Melanie "Meli" Bucher
27. März 1991 bis 30. April 2009

Liebs Meli

I allne Belange bisch du immer e liebenswärti und läbesfrohi Persönlechkeit gsi und mit dire agnähme und ruehige Art überall uf Gägeliebi gstosse. Öb mit emne Bébé, emne Chind im Bus oder emne Bekannte irgendwo bim ne Träffe: du hesch für alli es Lächle und es paar passendi Wort parat gha. Strit hesch du überhoupt nid gärn gha und ou mit egoistische Mönsche hesch nid viu chönne afa. Für di isch immer ds Positive im Vordergrund gstande. "I schaffe das und i dänke positiv", hesch immer wieder gseit und ou entsprächend vorgläbt. Genau das hei ou dini vile Fründinne und Fründe immer so a dir gschetzt. Sie alli, Gotti, Götti, alli Verwandte, Bekannte und ganz speziell dini Familie si ganz fescht dankbar, dass du Melanie e Teil vo üsem Läbe gsi bisch. Du hesch üsi Zyt wärtvoll bericheret und wirsch i all üsne Härze ewig witerläbe.